Silica Mud Mask

Silica Mud Mask er hvítur leirmaski sem styrkir náttúrulegt varnarlag húðar, dregur óhreinindi úr húðinni ásamt því að draga saman svitaholur og jafna áferð. Þessi heimsþekkti andlitsmaski er tilvalin til að nota í sturtu eða sem fyrsta skrefið í húðrútínu heima fyrir. 

- Mjúk og kremkennd áferð
- Án ilmefna
- Rekjanleg innihaldsefni valin af ábyrgð
- Hentar öllum húðgerðum og grænkerum

Lykilefni: 

KÍSILL BLÁA LÓNSINS hefur djúphreinsandi, náttúrulega leireiginleika sem draga óhreinindi úr húðinni og bæta yfirbragð hennar. Kísillinn er lífvirkt innihaldsefni sem gefur Bláa Lóninu sinn einkennandi bláa lit og hefur verndandi og styrkjandi áhrif á náttúrulegt varnarlag húðarinnar.  

JARÐSJÓR BLÁA LÓNSINS er dýrmæt uppspretta nauðsynlegra steinefna sem efla og styrkja varnir húðarinnar. Uppleystu steinefnin gera húðina móttækilegri fyrir upptöku annarra virkra innihaldsefna svo heildarvirkni formúlunnar eykst.

Öll innihaldsefni: 

SILICA, SEA WATER (MARIS AQUA), COCO-CAPRYLATE/CAPRATE, POLYGLYCERYL-4 CAPRATE, HYDROXYETHYLCELLULOSE, CAPRYLYL GLYCOL, ETHYLHEXYLGLYCERIN, WATER (AQUA), PHENOXYETHANOL.  

- Berið Silica Mud Mask ríkulega jafnt á hreina húð. Forðist augnsvæðið.
- Látið bíða á húðinni í 5-10 mínútur.
- Skolið af með volgu vatni.
- Notið maskann eftir þörfum eða 2-3 sinnum í viku. 

Hver er munurinn á fjórum andlitsmöskum Bláa Lónsins? 
Við höfum dregið saman helstu eiginleika hvers andlitsmaska: Lava Scrub Mask fjarlægir dauðar húðfrumur og endurnýjar. Silica Mud Mask djúphreinsar og styrkir varnarlag húðarinnar. Mineral Mask veitir raka og endurlífgar. Algae Mask nærir og eykur ljóma. 

Hvaðan kemur kísill Bláa Lónsins? 
Kísillinn á rætur sínar að rekja til hins einstaka jarðsjós Bláa Lónsins. Jarðsjórinn er yfirmettaður af uppleystum kísil sem heitur jarðsjórinn hefur leyst upp úr jarðlögum. Þegar jarðsjórinn kólnar fellur kísillinn út sem nokkurs konar leir. Kísillnn er uppskorinn á sjálfbæran hátt við rannsóknar-og þróunarsetur Bláa Lónsins til notkunar í húðvörum Blue Lagoon Skincare. 

Hvenær þarf ég andlitsmaska? 
Andlitsmaskar eru góðir til að takast á við sértæk húðvandamál eða til að bæta almenna húðheilsu þar sem þeir innihalda mikið magn af virkum efnum, vítamínum og næringarefnum. Andlitsmaskar eru hannaðir til að mynda lag yfir húðinni. Það tryggir aukna upptöku virkra innihaldsefna þar sem innihaldsefnin fá lengri tíma í snertingu við húðina.